O‘zbekiston Tashqi ishlar vaziri Abdulaziz Komilov 8-oktabr kuni Birlashgan Arab Amirliklari elchisi etib tayinlangan Said Matar Sultan as-Siri al-Qamziyni qabul qildi.
TIV matbuot xizmatining xabariga ko‘ra, elchining ishonch yorliqlari nusxalarini qabul qilgan vazir, uni yuqori va mas’uliyatli lavozimga tayinlangani bilan tabrikladi va muvaffaqiyatlar tiladi.
Suhbat chog‘ida Prezident Shavkat Mirziyoyevning 2019-yil mart oyida BAAga rasmiy tashrifi va O‘zbekiston—BAA muzokaralari davomida erishilgan kelishuvlar nuqtayi nazaridan ikki tomonlama munosabatlarning holati va istiqbollari ko‘rib chiqilgan
Uchrashuvda hamkorlikning boshqa masalalari ham muhokama qilingan, shuningdek, xalqaro va mintaqaviy muammolar yuzasidan fikr almashilgan.
Eslatib o‘tamiz, BAAning O‘zbekistondagi avvalgi elchisi Muhammad Harib al-Muhayribiy o‘z faoliyatini sentabr oyida yakunlagan edi.
Izoh (0)