Vazirlar Mahkamasining “Qishloq xo‘jaligi sohasida o‘rta maxsus professional ta’lim darajasida kadrlar tayyorlash tizimini takomillashtirish chora-tadbirlari to‘g‘risida”gi qarori loyihasi muhokamaga qo‘yildi.
Qarorga ko‘ra:
- qishloq xo‘jaligini rivojlantirishning 2030-yilgacha mo‘ljallangan strategiyasida soha va uning tarmoqlarida yaqin istiqbolda va kelajakda amalga oshiriladigan vazifalar, joriy qilinadigan zamonaviy texnologiyalarni hisobga olgan holda nazariy bilim va amaliy qo‘nikmalarni puxta egallagan malakali va raqobatbardosh kadrlar tayyorlash;
- qishloq xo‘jaligi va uning tarmoqlari uchun kadrlar tayyorlashning uzluksiz tizimini yaratish, texnikumlar hamda Toshkent davlat agrar universiteti va uning filiallari o‘rtasida ta’lim dasturlarining uzluksizligi va izchilligini ta’minlash;
- qishloq xo‘jaligi soha va tarmoqlari uchun kasblar va mutaxassisliklarning murakkabligidan kelib chiqqan holda ikki yildan kam bo‘lmagan muddatda kunduzgi, kechki va sirtqi ta’lim shakllarida davlat buyurtmasi hamda to‘lov kontrakt asosida o‘qitish;
- o‘rta maxsus professional ta’lim darajasida kunduzgi, kechki va sirtqi ta’lim shakllarida oliy ta’limning bakalavriat ta’lim yo‘nalishlari bilan integratsiyalashgan yo‘nalishlari bo‘yicha kadrlar tayyorlash ko‘zda tutilgan.
O‘quvchilarni qabul qilish parametrlari 2020—2021-o‘quv yilidan boshlab O‘zbekiston Respublikasi Qishloq xo‘jaligi vazirligining takliflari asosida O‘zbekiston Respublikasi ta’lim muassasalariga qabul qilish bo‘yicha davlat komissiyasi tomonidan tasdiqlanadi.
O‘zbekiston Qishloq xo‘jaligi vazirligi Toshkent davlat agrar universiteti bilan birgalikda ikki oy muddatda texnikumlar bitiruvchilarini Toshkent davlat agrar universiteti va uning filiallariga suhbat asosida o‘qishga qabul qilish tartibini ishlab chiqish, 2020-yilning 1-apreliga qadar texnikumlarda o‘quv-metodik jarayonni samarali tashkil etish bo‘yicha aniq chora-tadbirlar rejasini ishlab chiqish va amalga oshirish yuklatiladi.
Izoh (0)