O‘zbekistonda mahalliy va xalqaro poyezd chiptalarining narxi pasaytirildi

1-oktabrdan O‘zbekistonda qo‘shimcha qiymat solig‘i stavkasi 20 foizdan 15 foizgacha kamayganligi sababli chipta narxi mos ravishda pasaytirildi. Bu haqda “O‘zbekiston temir yo‘llari” matbuot xizmati xabar berdi.

Qo‘shilgan qiymat solig‘i stavkasining pasayishi “O'zbekiston temir yo‘llari” AJning barcha mahalliy va xalqaro poyezdlari uchun komissiya yig‘imiga ham tegishli.

Avvalroq, Toshkent yo‘lovchi vagonlarini ta’mirlash va ularga xizmat ko‘rsatish zavodi yo‘lovchilarni tashishga mo‘ljallangan yangi vagonlar partiyasini tayyorlagani haqida xabar berilgandi. Unga ko‘ra, O‘zbekiston yo‘lovchi vagonlari parki 5 yil ichida 80 foizgacha yangilanadi.