Termiz shahrida kurash bo‘yicha Prezident sovrini uchun at-Termiziy xotirasiga bag‘ishlangan XIV xalqaro turnir start oldi. Bu haqda “Daryo”ga jurnalist Nargiza Rahmatullayeva ma’lum qildi.
Har ikki yillikning eng nufuzli kurash bayramlaridan biri hisoblangan mazkur musobaqada dunyoning 50 ga yaqin davlatidan 100 nafardan ziyod polvonlar ishtirok etmoqda.
Joriy yilgi xalqaro turnirning sovrin jamg‘armasi 100 ming AQSh dollarini tashkil etadi. Mutloq vazn bo‘yicha g‘olib chiqqan sportchi Prezident sovrini — 10 ming AQSh dollari bilan taqdirlanadi.Bu galgi turnir oldingilaridan biroz farq qiladi. Unda ilk bor kurashchi qizlar to‘rt vazn (48, 57, 70 va 78 kilogramm) toifasida bellashadi.
Kurash bo‘yicha murabbiy Dilfuza Rahmatovaga ko‘ra, musobaqada 48 davlatdan kurashchi qizlar qatnashadi. Ular orasida albatta o‘zbekistonlik qizlar ham bor.
—Ushbu turnirda ishtirok etayotganimdan xursandman. Xalqingizning milliy sport turi yurtdoshlarimiz orasida ommalashib bormoqda. U halollik, mardlik kabi ezgu fazilatlarni o‘zida mujassam etgan. Shu sababli kurashga men ham qiziqdim, — deydi hindistonlik ishtirokchi Lakshmi Kumari.
Izoh (0)