Futbol bo‘yicha Italiya A Seriyasining 7-turiga 5-oktabr, shanba kuni start berildi.

Foto: Twitter/@acmilan

Marko Jampaolo qo‘l ostidagi “Milan” klubi mehmonda “Jenoa” bilan bahsga kirishdi.

Bellashuvning 41-daqiqasida mezbon jamoa yarim himoyachisi Lasse Shyone hisobni ochgan bo‘lsa, 51-daqiqaga kelib “rossonerilar” himoyachisi Teo Ernandes hisobni tenglashtirdi (1:1). Oradan 6 daqiqa o‘tib hakam tomonidan “Jenoa” darvozasi tomon penalti belgilandi. Undan milanliklar vakili Frank Kessie unumli foydalanib jamoasini hisobda oldinga olib chiqdi.

Shu tariqa o‘yin 2:1 hisobida “Milan” foydasiga yakunlandi.

Qayd etish joiz, bellashuv davomida “Jenoa” himoyachisi Davide Biraski (56) hamda “Milan” a’zosi Davide Kalabriya (79) qizil kartochka bilan jazolandi. Bundan tashqari Rikkardo Saponara (45, “Jenoa”) va Samuel Kastilyexo (90, “Milan”) ham maydonga tushmagan bo‘lsa-da, qizil kartochka ishlab oldi.

Makzur g‘alabadan so‘ng “Milan” ochkolari sonini 9 taga yetkazib oldi va musobaqa jadvalida 11-o‘ringa ko‘tarilib oldi. 19-o‘rinda borayotgan “Jenoa” hisobida esa 5 ochko mavjud.

A Seriya

7-tur bahsi

5-oktabr, shanba

SPAL—“Parma” 1:0

Gol: 1:0 — 31 Petanya

“Verona”—“Sampdoriya” 2:0

Gollar: 1:0 — 9 Kumbula, 2:0 — 81, avtogol Murru

“Jenoa”—“Milan” 1:2

Gollar: 1:0 — 41 Shyone, 1:1 — 51 Teo, 1:2 — 57, penalti Kessie

“Jenoa”: Radu, Gilyone, Sapata, Romero, Payach, Shyone, Lerager (Pandev, 88), Radovanovich, Krishito (Biraski, 11), Pinamonti (Favilli, 73), Kuame

“Milan”: Reyna, Romanyoli, Kalabriya, Teo, Leo Duarte, Bigliya, Kessie, Bonaventura (Konti, 81), Chalxono‘g‘lu (Lukas Paketa, 46), Suso, Pyontek (Rafael Leau, 46)

Ogohlantirishlar: Sapata (23), Kalabriya (43), Bigliya (62), Lerager (64), Shyone (67), Lukas Paketa (84), Romero (88)

Chetlatishlar: Saponara (45), Biraski (56), Kalabriya (79), Kastilyexo (90)

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!