Yaponiya datchiklari seysmik jihatdan faol hududda joylashgan Olmaota shahrida yashovchilarni zilzilalar haqida xabardor qiladi. Bu haqda Tengrinews ma’lum qildi.

Challenge kompaniyasi bosh direktori Kazuo Sasaki shaharga yer qimirlashlari haqida barvaqt ogohlantiruvchi EQ Guard qurilmalarining 5 ta kompleksini sovg‘a qildi. Ular Olmaota atrofidagi bir necha manzillarda o‘rnatiladi. Datchiklar favqulodda holat haqidagi birinchi signallarni ilg‘ab, ma’lumotni qayta ishlovchi markazga uzatadi va bu yerdan ogohlantirish ketadi.

— Yaponiya texnologiyasi barchani evakuatsiya qilishga ulgurish uchun mo‘ljallangan erta ogohlantirish tizimi emas. U sodir bo‘lgan holat yuzasidan tezkor ogohlantirishi ko‘zda tutilgan. Aytaylik, Olmaotadan 200 kilometr narida zilzila sodir bo‘ldi va bu yerga qarab yurmoqda. To‘lqinlar barcha tomonlarga tarqaladi, tezligi turlicha. Shahar tashqarisidagi to‘lqinlar ularni ilg‘ab, bu yerga uzatadi va biz chora ko‘rishga ulguramiz, — deydi Seysmologiya instituti direktori Dosim Suleyev.

Foto: Tengrinews

Yapon tizimi ehtiyot qismlar va internetga hamda elektrga ulash xarajatlaridan tashqari 3 ming dollar turadi. Tizim ikki oy mobaynida sinovdan o‘tadi.