Xitoy raisi Si Szinpin Xitoy Xalq Respublikasiga asos solinganligining 70 yilligi munosabati bilan o‘tkazilgan paradda ishtirok etdi. Mamlakat rahbari yangi Hongqi L9 limuzinida harakatlandi. Limuzinning suratlarini Motor taqdim etdi.
Hongqi xitoy tilidan tarjima qilinganda “qizil bayroq” ma’nosini bildiradi. Mazkur avtomobil Rossiyaning Aurus markasining o‘xshashi hisoblanadi. Xitoy brendi FAW davlat konserniga tegishli va 1958-yildan buyon mahalliy elita qatlami uchun hukumat avtomobillarini ishlab chiqaradi.
Bundan avval ishlab chiqarilgan Hongqi HQE bilan taqqoslaganda, yangi modelning kuzovi va saloni o‘zgargan. Tashqi ko‘rinishi 2009-yilda ishlab chiqarilgan Hongqi HQE modelinikiga o‘xshasa ham, L9’ning tashqi ko‘rinishi qaytadan ishlab chiqilgan.
Xitoy parad mashinalari uchun an’anaviy bo‘lgan lyuk zirhlangan kuzov bilan uyg‘unlashib ketgan. Orqa eshiklarning harakat yo‘nalishiga qarama-qarshi ochilishi o‘zgarishsiz qolgan.
Qayd etilishicha, yangi limuzin avvalgi model kabi 6 litr sig‘imli V12 dvigateliga ega. HQE’ning dvigateli 480 ot kuchiga ega bo‘lgan.
Xorijiy safarlari chog‘ida Xitoy yetakchisi Hongqi N501 limuzinidan foydalanadi. Mazkur model Hongqi qatorida mavjud emas va bu avtomobil haqida rasmiy ma’lumot ham yo‘q.
Izoh (0)