Donald Tramp tibbiy sug‘urta yoki tibbiy xarajatlarni qoplash uchun mablag‘i bo‘lmagan immigrantlarni AQShga kirishini cheklaydigan farmonni imzoladi. Bu haqda Oq uy saytida 4-oktabr kuni e’lon qilingan hujjatda qayd etilgan.
Unga ko‘ra, mamlakatga kirmoqchi bo‘lgan immigrantda 30 kun amal qiluvchi tibbiy sug‘urta yoki ehtimoliy tibbiy xarajatlarni to‘lash uchun yetarlicha mablag‘ bo‘lishi kerak. Aks holda mamlakatga kirish to‘xtatilishi yoki cheklanishi lozim.
Ta’kidlanishicha, bunday qoida ushbu farmon qonuniy kuchga kirgunga qadar amaldagi immigratsiya vizasiga ega bo‘lgan chet elliklarga va boshqa bir qator vizalari borlarga nisbatan qo‘llanilmaydi. Shuningdek, yangi qoidalar immigratsiya vizasidan tashqari boshqa viza egalariga ham tatbiq etilmaydi. Farmon 2019-yilning 3-noyabridan kuchga kiradi.
Izoh (0)