Hindistonning Bixar shtati va boshqa hududlarida qattiq yomg‘irlar yog‘ishi va ularning natijasida sodir bo‘lgan suv toshqinlari va o‘pirilishlar oqibatida minglab odamlar xavfli hududlarni tark etishga majbur bo‘lgan. Bu haqda O‘zbekistonning Hindistondagi elchixonasi bergan ma’lumotga tayanib, Tashqi ishlar vazirligi xabar berdi.
“Mamlakat bo‘yicha jami 110 dan ortiq odam mazkur tabiiy ofat qurboniga aylangan. Odamlarni xavfsiz hududlarga evakuatsiya qilish hamda mol-mulkidan ayrilgan fuqarolarga yordam ko‘rsatish bo‘yicha hukumat tomonidan tegishli choralar ko‘rilmoqda”, — deyiladi xabarda.
Shu sababli Tashqi ishlar vazirligi konsullik-huquqiy departamenti Hindistonda bo‘lib turgan O‘zbekiston fuqarolarini tabiiy ofat hududlariga vaqtinchalik bormaslikka chaqiradi va mamlakatning Nyu-Dehli shahridagi elchixonasi telefon raqamlarini eslatadi: (9111) 24670774, 24670775, 24105640.
Izoh (0)