Namangandagi ko‘ngilochar istirohat bog‘ida 18 yoshli qiz attraksionda olgan tan jarohati tufayli vafot etdi.
Bosh prokuraturaning “Daryo”ga ma’lum qilishicha, voqea 30-sentabr kuni soat 15:40 larda sodir bo‘lgan. Istirohat bog‘ida qurilishi to‘liq bitkazilmagan “Spin block” attraksionida test sinovi o‘tkazilayotgan bo‘lgan. Elya Xalikova sinov tariqasida harakatlantirilayotgan attraksionga ruxsatsiz chiqib olgan.
So‘ng o‘zining ehtiyotsizligi oqibatida ushbu attraksionning temir truba qismiga urilishi natijasida olgan tan jarohati tufayli voqea joyida vafot etgan.
Mavzuga doir: Jizzaxda odamlar o‘tirgan attraksion tepaga ko‘tarilgan paytda sinib, yerga quladi (video)
Hozirda mazkur holat yuzasidan Namangan shahar prokuraturasi tomonidan sudga oid tibbiy ekspertiza tayinlanib, tergovga qadar tekshiruv harakatlari olib borilmoqda.
Izoh (0)