Xitoyda qochqin mahbus 17 yil davomida g‘orda yashiringani aniqlandi

Xitoyda qamoqdan qochgan mahbus 17 yil davomida g‘orda yashiringani ma’lum bo‘ldi, deb xabar bermoqda BBC.

Qochqin Sun Szyan sobiq politsiyachi bo‘lib, ayollar va bolalar savdosi bilan shug‘ullangani uchun hukm qilingan. 2002-yilda qamoqdan qochishga erishgan. Shu vaqtgacha u o‘zi yashaydigan shahar yaqinida bo‘lgan.

Sun Szyanning qayerda joylashganligini drondan olingan surat yordamida aniqlangan. Politsiyachilar yuqoridan olingan suratda g‘or ustidagi ko‘k rangli temir tom va yaqin atrofdagi chiqindilarni ko‘rgan.

Qochqin yashiringan g‘orda qo‘lga olingan. Politsiya xabariga ko‘ra, Sun Szyann uzoq vaqt davomida yolg‘izlikda yashagani uchun organ xodimlari bilan gaplashishda qiynalgan. Oxir-oqibat erkak yana qamoqqa yuborilgan.