Xitoy yetakchisi Si Szinpin respublika tashkil topganligining 70 yilligi munosabati bilan o‘tkazilgan tantanali marosimda dunyodagi birorta davlat xitoy millatining rivojlanishini to‘xtata olmasligini ma’lum qildi, deb xabar beradi “RIA Novosti”.
“Dunyoda ushbu buyuk davlatning asosini qimirlata oladigan birorta kuch mavjud emas. Hech qanday kuch xitoy millatining oldinga harakatini to‘xtatib tura olmaydi”, — deydi Tyananmen maydonida so‘zga chiqqan Si Szinpin.
Mavzuga doir: Shavkat Mirziyoyev Si Szinpinni Xitoy Xalq Respublikasi tashkil topganining 70 yilligi bilan qutladi
Xitoy raisining so‘zlariga ko‘ra, Xitoy tinchlik yo‘lida rivojlantish va ochiqlik siyosatini davom ettiradi. Shu bilan birga Si Szinpin Xitoy armiyasi va qurolli politsiyasi mamlakat suvereniteti va manfaatlarini qat’iy himoya qilishini ma’lum qildi.
Xitoy Xalq Respublikasiga 1949-yilning 1-oktabrida asos solingan. Bugun ushbu sanaga 70 yil to‘lishi munosabati bilan Pekinda tantanali tadbir bo‘lib o‘tmoqda.
Izoh (0)