Peru prezidenti Martin Viskarra mamlakat parlamentini tarqatib yuborishni buyurdi, lekin qonun ijodkorlari xarajat qilishni istamadi va qarorga javoban davlat rahbarining o‘zini 12 oyga boshqaruvdan chetlatdi. Bu haqda The New York Times xabar berdi.
Deputatlar prezident mamlakatda to‘ntarish qilishga tayyorlanayotgani va o‘zini diktatordek tutayotganini bildirgan. Kongress tarqatib yuborilishi haqida e’lon qilingan bo‘lsa ham, ular o‘z joylarida qolishni afzal bilmoqda. Ba’zi deputatlar parlamentdan o‘zlarini haydashga qilingan har qanday harakatga norozilik bildirishga tayyorligini ta’kidlagan. Parlamentar boshqaruvini mamlakat vitse-prezidentiga berish taklif qilinmoqda va u ham ushbu qarorga rozilik bergan.
Ammo davlat rahbarining fikrini mamlakat aholisi qo‘llab-quvvatlamoqda: poytaxtda va boshqa shaharlarda Viskarrani olib qolish bo‘yicha xalq namoyishlari o‘tkazilmoqda.
Siyosiy mojaroga mamlakatda uzoq yillardan beri davom etib kelgan korrupsion inqiroz sabab bo‘lgan. Partiya yetakchilari ham, prezidentlar ham poraxo‘rlikda ayblanib qamoqqa olingan. Korrupsiyada ayblanayotgan sobiq president Alan Garsiya qo‘lga olish vaqtida joriy yilning aprel oyida o‘z joniga qasd qilgan va halok bo‘lgan.
Viskarra joriy yilning iyul oyidan buyon yangi saylovlar o‘tkazishga chaqirmoqda, ammo muxolifat tomonidan boshqarilayotgan parlament ushbu qarorga rozi emas. Prezidentning so‘zlariga ko‘ra muxolifat uning iqtisodiy va siyosiy islohotlariga to‘sqinlik qilmoqda.Mamlakat tarixida avval - 1992-yilda prezident Alberto Fujimori islohotlar va yangilanish qilish maqsadida qonunchilik organini tarqatib yuborgan, yakunda Peru demokratik institutlariga putur yetkazgandi.
Izoh (0)