Falastin Isroil Iordan daryosining G‘arbiy qirg‘og‘ini anneksiya qilish rejalarini amalga oshirgudek bo‘lsa, bu davlat bilan erishilgan barcha kelishuvlarni bekor qiladi. Bu haqda Falastin milliy ma’muriyati raisi Mahmud Abbos BMT Bosh assambleyasidagi chiqishi chog‘ida ma’lum qildi, deya xabar beradi “Kommersant”.
“Isroil hukumati, unga kim kirishidan qat’iy nazar, ushbu rejani amalga oshirsa, bosqinchi hukumat bilan imzolangan barcha kelishuv va majburiyatlar to‘xtatiladi”, — dedi Mahmud Abbos.
Isroil prezidenti Reuven Rivlin 26-sentabr kuni bosh vazir Binyamin Netanyaxuga garchi u saylovlardan so‘ng deputatlarning yetarli ovozini to‘play olmagan bo‘lsa ham yangi hukumatni shakllantirishni topshirdi. Bundan oldin esa Netanyaxu g‘alabaga erishgan taqdirda Iordan vodiysini anneksiya qilishni va’da bergandi.
Izoh (0)