Nashr tuman hokimligi bilan bog‘langan, hokimiyat vakillari 27-sentabr, juma kunidan boshlab Abdurasul Vahobov o‘z lavozimidan ketganligini ma‘lum qilgan.
Avvalroq Bosh prokuratura Olmazor tumani hokimi o‘rinbosari Abdurasul Vahobovning jurnalistlarga tashlanishini “kasb etikasiga to‘liq mos” deb topib, unga nisbatan jinoyat ishi qo‘zg‘atishni rad etgani haqida xabar berilgan edi.
Olmazor tuman hokimi o‘rinbosari Abdurasul Vahobov 14-avgust kuni “Kun.uz” xodimlariga tahdid qilgandi. Oradan bir kun o‘tib Toshkent shahar hokimligi matbuot xizmati tomonidan Vahobovning videointervyusi e’lon qilindi va unda hokim o‘rinbosari “Kun.uz” muxbiri Rahmatilla Isroilov muqaddam undan tamagirlik yo‘li bilan yer talab qilgani va buning evaziga katta miqdorda pora taklif etgani haqidagi da’voni ilgari surgan edi.
Ushbu holat yuzasidan O‘zbekiston jurnalistlari ijodiy uyushmasi, Toshkent shahar hokimligi hamda Axborot va ommaviy kommunikatsiyalar agentligi o‘rganish o‘tkazayotganini ma’lum qildi. Deputat Rasul Kusherboyev jurnalistlarga qo‘pol munosabatda bo‘lgan hokim o‘rinbosari o‘z lavozimini tark etishi kerakligi haqida fikr bildirgandi.
Mavzuga doir:
- Olmazor “zamhokimi” baribir qonunni buzgan. Xushnud Xudoyberdiyev tushuntiradi
- “Hokimlik xulosasi kulgili, prokuratura esa tuhmat masalasini ko‘rib chiqishi kerak”. Xushnud Xudoyberdiyev Olmazor “zamhokimi” bilan bog‘liq vaziyatga munosabat bildirdi
- Olmazor “zamhokimi”ning jurnalistlarga tashlanishi “kasb etikasiga to‘liq mos” deb topildi. Prokuratura unga nisbatan jinoyat ishi qo‘zg‘atishni rad etdi
Izoh (0)