PBS kanali Haydi laqabli urg‘ochi sakkizoyoqning uxlayotgani haqidagi videoni taqdim etdi, deb xabar berdi Meduza. Bu 2-oktabrda premyera qilinadigan “Sakkizoyoq: muloqotni boshlab” (“Octopus: Making Contact”) hujjatli filmining promosi bo‘ldi.

Foto: Woub

Bir yarim daqiqa ichida Haydi bir necha marta o‘z terisi rangini o‘zgartiradi: to‘q dolchin rangdan oqqa o‘tadi, qorayadi, yorishadi va teri ustida dog‘lar paydo bo‘ladi. Ankorijdagi Alyaska Tinch okeani universiteti professori, dengiz biologi Devid Shil Haydi bu vaqtda tush ko‘rgani va uning ro‘yosida qanday voqealar sodir bo‘lganini tushuntirdi: “Sakkizoyoq ranglari o‘zgargan vaqtda u tushida dengiz qisqichbaqasini ko‘rdi. Keyin teri rangi butunlay qora rangga o‘tdi, ular suv yuzasiga chiqayotgan vaqtda shunday qiladi. Bu hiyla Haydi qisqichbaqani mag‘lub etdi va endi uni yemoqchi. Bu ishini hech kimga bildirmay qilishni istamoqda”.

“Sakkizoyoq: muloqotni boshlab” filmi nafaqat Haydining uxlashi, balki turli topishmoqlarga javob topishi va Shilning qizi Lorel bilan do‘stlashishi haqida hikoya qiladi.