Futbol bo‘yicha O‘zbekiston Kubogining yarim final uchrashuvlari 26-sentabr, payshanba kuni bo‘lib o‘tadi.
OKMK klubi Olmaliqda Vadim Abramov qo‘l ostidagi “Bunyodkor”ni qabul qiladi. Amaldagi chempion musobaqani 1/8 finaldan boshladi, Mirjalol Qosimov jamoasi yarim finalga qadar “Mash’al” (1:0) va “Oqtepa” (4:3) jamolarini mag‘lubiyatga uchratdi. “Qaldirg‘ochlar” 1/16 finalda “Metallurg”ni (2:1), keyinchalik “Qizilqum” (3:0) va “So‘g‘diyona”ni (2:1) mag‘lub etgan holda yarim finalga yetib keldi.
Ikkinchi yarim final bahsi “Paxtakor” va “Nasaf” jamoalari o‘rtasida kechadi. O‘tgan yili musobaqa finalida o‘ynagan Shota Arveladze shogirdlari nimchorak finalda “Yashnabod”ni yirik hisobda dog‘da qoldirgan (5:0) va keyingi bosqichda “Surxon”dan ustun kelgandi (2:0). Qarshiliklar esa “Istiqlol” (2:1), “Andijon” (3:0) va “Navbahor”ni (1:0) ortda qoldirgan holda shu bosqichga yetib keldi.
O‘zbekiston Kubogi
Yarim final bahslari
26-sentabr, payshanba, 18:00
OKMK — “Bunyodkor”
“Paxtakor” — “Nasaf”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)