Batafsil ma’lumot uchun www.safarov.uz saytiga kiring!
Xalqimiz orasida qandli diabet kasalligi to‘g‘risida ko‘pchilik ma’lum miqdorda ma’lumotga ega. Afsuski uning aksariyat holatlarda bemorning hayot sifatining pasayishiga, nogironlikka sabab bo‘luvchi asoratlari haqida yetarli bilimga ega emas.
Qandli diabet xastaligining asoratlaridan biri bu – “diabetik tovon” (“diabetik to‘piq”) sindromi. Bu asorat qandli diabet bilan og‘rigan kasallarning 16—18% da uchraydi. Ushbu so‘z bilan umumlashtirib qandli diabetda bemor oyog‘ida uchraydigan barcha o‘zgarishlar (oyoqlarning ozib ketishi, oyoqlardagi barmoq, tirnoq va junlarning zararlanishi, sovuq qotishi, sanchiqlar, uvishishlar, quvvatsizlik, sezuvchanlikning pasayib borishi, tovon yoriqlarining paydo bo‘lishi, shilingan, trofik va uzoq bitmaydigan yara hosil bo‘lishi, nekroz va ko‘pchilik holatlarda amputatsiyaga sabab bo‘luvchi gangrena) tushuniladi.
Bunday o‘zgarishlar ko‘pchilik holatlarda oyoq barmoqlaridan, ayniqsa birinchi barmoqdan va jimjiloqdan, tirnoqlar yonidan, oyoqning tovon sohasidan boshlanadi. Bu o‘zgarishlar atrofida yallig‘lanish belgilarini ya’ni shish, qizarish, og‘riq, mahalliy haroratning ko‘tarilishini va boshqalarni ko‘rish mumkin.
Bu o‘zgarishlar asosida uzoq muddat davomida qondagi qand miqdorining me’yoridan baland turishi oqibatida kelib chiqadigan diabetik neyropatiya (oyoqdagi asab tolalarining zaralanishi), mikro va makroangiopatiya (kichik va katta qon tomirlarning zararlanishi) yotadi.
Oyoqlarni saqlab qolish markazi (OSQM) O‘zbekiston poytaxti Toshkent shahrida ochilib, asosan oyog‘ida kesilish xavfi bilan kechayotgan yara, nekroz yoki qorason bo‘lgan kasallarga maxsus tibbiy yordam kursatishga karatilgan xususiy jarrohlik markazi hisoblanadi.
Markaz “Happy Life” xususiy klinikasi tarkibida tashkil etilgan.
Jamoa sardori Rossiya federatsiyasi mutaxassisi, tibbiyot fanlari falsafa doktori Safarov Xayriddin Choriyevich shu sohada 20 yildan ortiq tajribaga ega bo‘lib, o‘z ish faoliyati davomida ushbu sohada dunyodagi barcha ilg‘or g‘oyalardan, oxirgi nusxadagi asbob-uskunalardan, yuqori samarali boylov materiallaridan va O‘zbekistonda ilk marotaba zamonaviy yarani boylash usulidan foydalanadi.
Jamoa o‘z ishini 15 yil davomida uch mingdan ortiq oyoq yaralari va qorason tashxisi bilan og‘rigan kasallarni davolash natijalariga tayangan holda olib boradi.
Markaz ishi quyidagi “muvaffaqiyatli davolash negizlari”ga asoslangan:
— Qandli diabetda oyoqlarda uchraydigan asoratlarni davolash taktikasi va algoritmini har bir kasal uchun alohida tuzish (individual yondashish).
— Multidissiplinar yondashuv — muvaffaqiyatli davolash negizlaridan yana biri. Hozirgi davrga kelib tibbiyot rivojlanishi shu darajaga yetganki, kasalliklar va ularning asoratlari, ularga tashxis qo‘yish va davolash usullari tug‘risidagi ma’lumotlar juda ham kengayib boryapti.
Tibbiyot sohasining o‘zida dunyoda har 3 daqiqida 1 ta yangilik yaratiladi. Bunday katta informatsion oqimni bir yoki bir necha shifokor o‘zlashtirib borishi aqlga sig‘maydi. Shuning uchun bizlar (yiringlar bo‘yicha mutaxassis jarroh, tomir jarrohi, intervension jarroh, endokrinolog, kardiolog, podiatr (podiatrist), nevropatolog va boshqalar) bir jamoa bo‘lib ishlaymiz.
— Zamonaviy, o‘z isbotini topgan, shifokor va kasallar ishonchini qozongan, yuqori samarali, zararsiz, va nojo‘ya ta’sirlari minimal bo‘lgan dori vositalar yordamida davolash.
— Jarrohlik muolajalari miniinvaziv, organ va to‘qimalarni maksimal saqlab qoluvchi, zamonaviy, eng so‘nggi nusxadagi asbob-uskunalarda ko‘p yillik tajribaga ega mutaxasisslar tomonidan bajarilishi.
Markazda oyoqlarni saqlab qolish uchun zarur bo‘lgan barcha murakkab operatsiyalar dunyo standartlariga mos ravishda bajariladi. Kerak bo‘lgan hollarda operatsiya ikki yoki uch etapda olib boriladi. Operatsiya paytida jaroxatni ultratovush yordamida kavitatsiyalash, past quvvatli lazer nurlari yordamida nurlash yo‘lga qo‘yilgan.
Yaralarni vodorod peroksidi bilan yuvish, furatsillin suyuqligi bilan chayish, mazli boylamlar qo‘yish (levomekol) kam samarali, ko‘p hollarda foydasiz va ayrim holatdarda zararli ekanligi o‘z isbotini topgan.
Bizning markazimizda yaralar “gauze suction” usulida qayta boylanadi. Yaralarni davolashda rivojlangan davlatlarda ishlab chiqarilgan, yara bitishi uchun maksimal qulay muhit yaratadigan interaktiv poliakrilatli, gidrokolloidli, alginatli maxsus boylamlar, bakterial bioplyonkani erituvchi va keng ko‘lamli bakteriya o‘ldiruvchi (bakteriotsid) suyuqlik va gellar ishlatiladi.
Yaralarni maxsus vakuum yordamida manfiy bosim bilan davolash samarali ekanligi butun dunyoda o‘z isbotini topgan va bizda keng qo‘llaniladi.
Kelajakda yiringli yaralarni tirik steril jarrohlik lichinkalari bilan davolashni (maggot therapy, larval therapy) planlashtirildi. Bu usul Amerika, Yevropa, Malayziya, Eron davlatlarida keng tarqalyapti.
Jamoa maksadi amputatsiyalar sonini pasaytirib, bu ko‘rsatkichlarni rivojlangan davlatlar ko‘rsatkichlariga olib chikishdan iborat.
Bizning manzil: Toshkent shahri, Yunusobod tumani, 19-kvartal, Dehqonobod ko‘chasi 12a – uy.
Tel: (97) 777 12 08; (99) 404 12 08; (71) 207 95 00;
www.safarov.uzdocsaf@mail.ruinfo@safarov.ru
Reklama huquqi asosida.
Izoh (0)