Misr hukumat ommaviy namoyishlarni taqiqlagani, namoyish ishtirokchilariga qamoq tahdid solib turganiga qaramay, yuz misrliklar mamlakat prezidenti Abdulfattoh as-Sisiyga qarshi norozilik aksiyalarida qatnashdi, deya xabar bermoqda Meduza.
The Guardian’ning xabar berishicha, namoyishlar poytaxt Qohirada, shuningdek, Iskandariya, Suvaysh va al-Mahalla-al-Kubra shahrida ham bo‘lib o‘tgan. Bu kabi ommaviy norozilik namoyishlari Misrda so‘nggi yillarda deyarli bo‘lmayotgan edi.
Namoyishchilar prezident as-Sisiyning iste’fosini talab qilib, uning portretlarini yirtib tashlagan. Qohirada politsiyada ko‘zdan yosh oqizuvchi gazdan foydalangan, biroq ko‘plab namoyishchilar, avvalo yoshlar, shundan keyin ham ko‘chada chiqish qilgan. 55 kishi hibsga olingan.
Avvalroq 43 yoshli aktyor va biznesmen Muhammad Ali aholini hokimiyat organlaridagi korrupsiyaga norozilik bildirish uchun ko‘chalarga chiqishga chaqirgan edi (uning o‘zi hozirda Ispaniyada yashaydi). Uning murojaati YouTube’da e’lon qilingan va ijtimoiy tarmoqlar orqali tarqalgan edi.
General Abdulfattoh as-Sisiy 2013-yilgi harbiy to‘ntarish natijasida Misrdagi hokimiyat tepasiga kelgan. U 2014-yili, rasmiy ma’lumotlarga ko‘ra, saylovchilarning 97 foiz ovozini qo‘lga kiritib, prezident lavozimiga saylangan. 2018-yili yana xuddi shunday natija bilan prezidentlikka qayta saylangan — as-Sisiyning saylovdagi raqibi uning o‘zini ochiqdan-ochiq qo‘llab-quvvatlagan edi.
Izoh (0)