Facebook foydalanuvchisi Metti Roberts hazil tariqasida tashkillashtirgan Nevada shtatidagi “51-hudud” harbiy zonasini egallab olish bo‘yicha “shturm”da ikki mingdan ortiq odam ishtirok etadi. Bu haqda 8 News NOW’ga tayanib “RBK” xabar tarqatdi.
Tadbirlar Reychel (aholisining umumiy soni 60 nafar) va Xayko mavzelarida o‘tkazilgan.
Avval tadbirga 75 ta odam kelgani xabar qilingandi. “Shturm” qatnashchilari harbiy baza hududiga bostirib kirib, u yerda o‘zga sayyoraliklar bor yoki yo‘qligini aniqlashni maqsad qilgan. Yakunda faollarning ikkitasi harbiy hudud yaqinida qo‘lga tushgan.
“Shturm”ning Facebook’dagi sahifasi 21-iyunda ochilgan. Sahifadagi ko‘rishlar soni 2 milliondan ortiq. 3-avgustda sahifa ijtimoiy tarmoqdan o‘chirib tashlangan. Tadbirning yangi tashkil etilgan sahifasiga ko‘ra, “shturm” mahalliy vaqt bilan 12:00 da boshlangan va ikki kun davom etadi. Ijtimoiy tarmoqdagi 2,3 ming foydalanuvchi unda ishtirok etish niyatini bildirgan. Ayni vaqtda ularning soni 3 mingga yetgan.
Nevadadagi “51-hudud” AQSh aholisining ongida g‘ayrioddiy hodisalar yuz beradigan joy degan tushuncha paydo bo‘lgan. 1996-yilda ekranlarga chiqqan “Mustaqillik kuni” filmida bazada o‘zga sayyoraliklar ustida tajriba laboratoriyasi sifatida tasvirlangan.
AQSh hukumati 2013-yilda bazaning mavjudligini tasdiqlagan. Rasmiy ma’lumotlarga ko‘ra, “51-hudud”da uchuvchi vositalar hamda qurol tizimlari sinovdan o‘tkaziladi.
Izoh (0)