19-sentabr, payshanba kuni Toshkentda birinchi bor bepul metro kuni bo‘lib o‘tdi. Toshkent shahri ilk bora qo‘shilgan Yevropa harakatlanish haftasida dunyoning 50 mamlakatidan 3000 ga yaqin shaharlar ishtirok etdi, deb xabar beradi “Gazeta.uz”.
Kun davomida poytaxt yer osti yo‘laklarida teatr-musiqaviy namoyishlar, harbiy va simfonik orkestrning, shuningdek, illyuzionist va animatolarning chiqishlar namoyish etildi, metro tarixiga oid fotoko‘rgazmalar o‘tkazildi. Yo‘lovchilar raqqosalar guruhining poyezd vagonlaridagi chiqishlaridan bahramand bo‘ldi.
Eslatib o‘tamiz, 22-sentabr kuni aholi va mehmonlarga avtomobillarini qoldirish va Uchtepa tumanining Lutfiy ko‘chasi bo‘ylab piyoda yurish taklif qilinadi. Mazkur ko‘cha kun bo‘yi avtomobillar uchun yopiq bo‘ladi, ko‘ngilochar va ma’rifiy tadbirlar o‘tkaziladi.
Izoh (0)