O‘zbekiston tashqi ishlar vaziri Abdulaziz Komilov boshchiligidagi delegatsiya 21—29-sentabr kunlari AQShga tashrif buyuradi. Bu haqda vazirlik matbuot xizmati xabar berdi.
O‘zbekiston delegatsiyasi AQShda BMT Bosh Assambleyasining 74-sessiyasida, jumladan, E’tiqod erkinligini himoya qilish Global chaqiruvi taqdimotiga bag‘ishlangan yuqori darajadagi tadbirda, Iqlim ta’sirlari bo‘yicha BMT Sammitida, “Markaziy Osiyo — AQSh” (“C5+1”) shaklida va Osiyoda hamkorlik va ishonch choralari bo‘yicha kengashining (OHIChK) vazirlar uchrashuvlarida ishtirok etadi.
Shuningdek, tashqi ishlar vaziri boshchiligidagi delegatsiya Nyu-York shahrida xorijiy mamlakatlar delegatsiyalari bilan ikki tomonlama uchrashuvlarni o‘tkazadi.
Tashrif dasturida Vashington shahrida AQSh rasmiy shaxslari bilan muzokaralar o‘tkazish va O‘zbekiston—AQSh kun tartibi masalalarini muhokama qilish ham ko‘zda tutilgan.
Izoh (0)