Rossiyadagi kasalxonalardan birida “shunchaki so‘rash” istagidagilar uchun navbat paydo bo‘ldi

Rossiyaning Kaliningrad shahari shifoxonasida “Shunchaki so‘rash” xizmat turi paydo bo‘ldi, deb yozadi Meduza.

Endilikda shifoxonadagi elektron navbat avtomatidan “shunchaki so‘rash” navbati uchun talon olish mumkin. Talon olgan bemorlar katta ro‘yxatga oluvchining oldiga yuboriladi.

Ushbu xizmat turi ikki hafta oldin joriy etildi. Ikki hafta ichida mazkur xizmat turidan 500 dan ortiq kishi foydalangan.

Qayd etilishicha, emlashlar, viloyat shifoxonasiga yo‘llanma, mutaxassislar qabul kunlari haqida ko‘pincha “shunchaki so‘rashadi”.

Hududiy sog‘liqni saqlash boshqarmasi xuddi shunday xizmat turlari boshqa hududlarda ham mavjudligini ma’lum qilgan.