Venesuela hukumati o‘zini muvaqqat davlat rahbari deb e’lon qilgan Xuan Guaido tarafdorlari bilan maxfiy muzokaralar olib borgan. Bu haqda mamlakat prezidenti Nikolas Maduro ma’lum qildi, deya xabar beradi “RBK”.

Foto: AP

“Yanvardan aprelgacha Guaido safdoshlari bilan maxfiy muzokaralar olib bordik. Muxolifatning muzokaralar rad etilgani haqidagi bayonotlariga qaramay, hukumat ularning vakillari bilan muloqotda bo‘lgan. Shunga qaramay, muxolifatchilar bergan va’dalarini, jumladan, AQShni mamlakatga nisbatan sanksiyalarini bekor qilishga ko‘ndirish masalasini bajarmadi”, — dedi Venesuela prezidenti.

Nikolas Maduro Norvegiya vositachiligida muxolifat bilan yangi muzokaralarga tayyorligini bildirdi.