AQSh va Belarus diplomatik munosabatlarni elchilar darajasida tiklaydi. Bu haqda Meduza xabar bermoqda.

Foto: Belarus prezidenti matbuot xizmati

Mazkur qaror haqida Minskda bo‘lib turgan AQSh davlat kotibi o‘rinbosari Devid Xeylning mamlakat prezidenti Aleksand Lukashenko bilan uchrashuvida ma’lum qilindi.

Belarus 2008-yil mart oyida Qo‘shma Shtatlar tomonidan mamlakat kompaniyalariga nisbatan sanksiyalar joriy etilganidan so‘ng Vashingtondan elchisini chaqirib olgandi. Ko‘p o‘tmay AQSh elchisi ham Minskni tark etgan.

O‘shandan beri ikki davlat diplomatik vakolatxonalarini muvaqqat vakillar boshqarayotgan edi.