Peshqadamni yenga olmagan “Bavariya”, “Borussiya D”ning “Barselona” bilan o‘yin oldidan gollar shousi. Bundesligada tur tafsilotlari
“Borussiya D” — “Bayer”
Mazkur tur markaziy o‘yinlarga boyligi bilan ajralib turdi. Ana shunday bahslardan biri Dortmunddagi “Signal Iduna Park”da bo‘lib o‘tdi. “Borussiya” mag‘lubiyat nimaligini bilmay kelayotgan “Bayer” bilan uchrashdi.
Uchrashuv teng kurashlar ostida boshlangan bo‘lsada, keyinchalik dortmundliklar faollikni o‘z qo‘liga oldi va raqib darvozasi javobsiz to‘rt bor ishg‘ol etildi. Marko Roys dubl qayd etgan bo‘lsa, Pako Alkaser va Rafael Gerreyru bir martadan leverkuzenliklar darvozasiga to‘p kiritdi.
Shu tariqa “Bayer”ning mag‘lubiyatsiz seriyasiga chek qo‘yilgan bo‘lsa, “Borussiya” seshanba oqshomida “Barselona”ga qarshi kechadigan Chempionlar Ligasi bahsi oldidan yaxshi kayfiyatga ega bo‘ldi.“Leypsig” — “Bavariya”
4-turning asosiy uchrashuvida “Bavariya” klubi “Leypsig” maydoniga safar qildi. Teng kurash va murosasiz kechgan bahsda durang natija qayd etildi. Robert Levandovski tomonidan kiritilgan to‘pga mezbonlar Emil Forsbergning aniq zarbasi bilan javob qaytardi.
“Leypsig”ning uchta o‘yinlik g‘alabali seriyasiga nuqta qo‘yilgan bo‘lsa, “Bavariya” mavsumdagi ikkinchi durangini qayd etdi. Ushbu bahsdan keyin Yulian Nagelsman shogirdlari peshqamlikni saqlab qoldi.Boshqa natijalar
Yozda bir qator yetakchilarini sotib yuborgan “Ayntraxt” yangi mavsumn barqaror o‘tkaza olmayapti. Bu safar frankfurtliklar “Augsburg”ga imkoniyatni boy berib qo‘ydi. Kutilmaganda yetakchilar qatorida borayotgan “Frayburg” bu turda “Hoffenhaym” maydonida mehmon bo‘ldi. Unda “qarg‘alar” mezbonlar darvozasini uch bor nishonga olgan holda mavsumdagi uchinchi g‘alabani tantana qildi. Bundesliga debyutanti “Paderborn” o‘zida “Shalke-04” bilan bahs yuritdi. Dastlab o‘z darvozasidan to‘p olib chiqqan gelzenkirxenliklar tanaffusgacha hisobni tenglashtirib, ikkinchi bo‘limda yana to‘rtta gol urdi.
Tur raqamlari
Bu turda darvozalarga jami 27 ta to‘p kiritilgan bo‘lsa, shulardan 12 tasi mezbonlar tomonidan urildi.4-turga kelib faqat uchta jamoa (“Leypsig”, “Bavariya”, “Volfsburg”) mag‘lubiyatga uchragani yo‘q. G‘alabaga erish olmayotgan klublar esa ikkita qoldi (“Paderborn”, “Herta”).
Bundesliga
4-tur bahslari
13-sentabr, juma
“Fortuna D”—“Volfsburg” 1:1
Gollar: 1:0 — 16 Gisselmann, 1:1 — 29 Vegorst14-sentabr, shanba
“Borussiya D”—“Bayer” 4:0
Gollar: 1:0 — 28 Pako Alkaser, 2:0 — 50 Roys, 3:0 — 83 Gerreyru, 4:0 — 90 Roys“Mayns”—“Herta” 2:1
Gollar: 1:0 — 40 Kvayson, 1:1 — 83 Gruyich, 2:1 — 88 Sen-Jyust“Augsburg”—“Ayntraxt F” 2:1
Gollar: 1:0 — 35 Rixter, 2:0 — 43 Niderlexner, 2:1 — 73 Pasiyensiya“Kyoln”—“Borussiya M” 0:1
Gol: 0:1 — 14 Plea“Union Berlin”—“Verder” 1:2
Gollar: 0:1— 5, penalti Klassen, 1:1 — 14, penalti Andersson, 1:2 — 55 Fyullkrug“Leypsig”—“Bavariya” 1:1
Gollar: 0:1 — 3 Levandovski, 1:1 — 45+3, penalti Forsberg15-sentabr, yakshanba
“Hoffenhaym”—“Frayburg” 0:3
Gollar: 0:1 — 11 Gyunter, 0:2 — 38 Xaberer, 0:3 — 59 Petersen“Paderborn”—“Shalke-04” 1:5
Gollar: 1:0 — 8 Kauli, 1:1 — 33 Sane, 1:2 — 49 Serdar, 1:3 — 71 Xarit, 1:4 — 83 Kutuju, 1:5 – 85 XaritMusobaqa jadvali
To‘purarlar ro‘yhati
Tur fentezi ramziy terma jamoasi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
