Toronto festivalida xayoliy Gitler haqidagi film g‘olib bo‘ldi

Yangi zelandiyalik rejissor Tayka Vaytitining “Quyoncha Jojo” filmi Torontodagi 44-Xalqaro kinofestivalda Gran-prini qo‘lga kiritdi. Bu haqda Meduza xabar berdi.

Vaytitining ushbu komik dramasi natsistlar Germaniyasida o‘ziga Adolf Gitler timsolidagi xayoliy do‘st orttirgan 10 yoshli Jojo ismli bolakay haqida hikoya qiladi.

Kartinaning jahon premyerasi 18-oktabrda o‘tkaziladi. Filmda bosh rollarni Roman Griffin Devis, Tomasin Makkenzi, Tayka Vaytiti, Sem Rokuell hamda Skarlett Yoxansson ijro etgan.