Aholi va tadbirkorlik subyektlari uchun bank mahsulotlari va xizmatlaridan keng foydalanish imkoniyatini ta’minlash maqsadida 2019-yil 7-sentabr kuni Qashqadaryo mintaqaviy filiali ochildi, natijada “Hamkorbank”ning filiallarini umumiy soni 43 taga yetdi, xizmat ko‘rsatish punktlarining umumiy soni esa 200 taga yetdi.
Yagona korporativ uslubda qurilgan “Hamkorbank” Qashqadaryo mintaqaviy filiali zamonaviy bank texnologiyalari bilan jihozlangan bo‘lib, mijozlarga sifatli xizmat ko‘rsatish uchun barcha sharoitlarga ega.
Ochilish marosimiga Qashqadaryo viloyatining yirik tadbirkorlari, Qashqadaryo viloyati hokimi va hokimlik vakillari hamda Markaziy bank viloyat boshqarmasi vakillari tashrif buyurdi.
“Hamkorbank” Qashqadaryo mintaqaviy filialida jismoniy va yuridik shaxslar bank xizmatlarining barcha turlaridan, shu jumladan hisob kassa xizmatlari, aholi va biznes subyektlari uchun kreditlar, omonat va depozitlar, xalqaro pul o‘tkazmalari, xalqaro va milliy to‘lov tizimlari plastik kartalari, bankomatlar va bankning boshqa moliyaviy xizmatlaridan foydalanishlari uchun barcha sharoitlar yaratilgan.
Filial ochilish marosimida “Hamkorbank” ATB boshqaruv raisi o‘rinbosari Nazirjon Kadirov nutq so‘zlab, Qashqadaryo viloyati iqtisodiy jihatdan tez rivojlanayotgan Respublikamizning strategik hududlaridan ekanligini, tadbirkorlik subyektlari va viloyat aholisining sifatli bank mahsulot va xizmatlariga bo‘lgan talabi ortib borayotganligini va yangi ochilgan ushbu filial mijozlarning talab va ehtiyojlarini yuqori darajada qondirish uchun sifatli xizmat ko‘rsatishini ta’kidladi.
Shuni alohida ta’kidlash joizki, Qashqadaryo mintaqaviy filiali zamonaviy texnika va texnologiyalar bilan jihozlangan biznes markaz binosida joylashgan. Biznes markaz viloyat va Qarshi shahri tadbirkorlik subyektlari uchun shinam ofislarda faoliyat yuritish, biznes konferensiyalar va uchrashuvlar tashkil etish imkoniyatini beradi.
Qashqadaryo mintaqaviy filialiga marhamat!
Manzil: Qarshi sh., I. Karimov ko‘chasi, 52-uy.
Mo‘ljal – viloyat adliya boshqarmasi ro‘parasida.
Qo‘shimcha ma’lumotlar uchun telefon: 0 800 1 200 200Bank mahsulotlari va xizmatlari haqidagi yangiliklarni ijtimoiy tarmoqlarda kuzating:
Reklama huquqi asosida.
Izoh (0)