Bugun,

  • USD 11095.31
  • RUB 173.84
  • EUR 10772.44

AQSh hukumati Saudi Aramco obyektlariga qilingan hujum ortida xusiy jangarilari turganiga shubha bilan qaramoqda, davlat departamenti ushbu harakatlarni Eron amalga oshirgan deb gumon qilmoqda. Bu haqda Washington Post’ga asoslanib RBC xabar berdi.

Foto: “Marketwatch”

Foto: “Marketwatch”

AQSh prezidentining administratsiyasi Saudiya Arabistonining Saudi Aramco neft kompaniyasiga dronlar bilan uyushtirilgan hujumga “jiddiy javob” qaytarmoqchi.

Washington Post’ning yozishicha, 15-sentabr, yakshanba kuni AQSh prezidenti Donald Tramp Pentagon rahbari Mark Esper bilan uchrashgan. AQSh hukumatining ishchi talqiniga ko‘ra, xusiy jangarilari hujumda ishtirok etmagan yoki ularning noma’lum sheriklari bo‘lgan. Bunday pozitsiyada turishining asosiy sababi hujum xarakterining “jadal” sur’atlarda amalga oshirilganligida.

Avvalroq, Donald Trampning o‘zi AQShga hujumlar ortida kim turgani ma’lum ekani va Vashington javob qaytarishga tayyorligi, biroq Ar-Riyoddan qirollikning hujumlar ortidagi kuchlar bo‘yicha ma’lumotlari kutilayotganini bildirgandi.

AQSh davlat kotibi Mayk Pompeo hujumlar ortida Eron turgani va “harakatlarning Yamandan turib amalga oshirilgani yuzasidan dalillar yo‘qligini” ta’kidlagach, Eron tashqi ishlar vaziri Javod Zarif bunga javoban Pompeoni yolg‘onchilikda ayblagandi.

“AQSh va uning mijozlari harbiy ustunlik g‘alabaga olib keladi “soxta tushunchasi”ga aldanib Yamanda qolib ketdi”, — deb yozgandi vazir Twitter’da. Uning so‘zlariga ko‘ra, Eronning ushbu hujumlarda ayblanishi halokatga yakun yasamaydi.

Eslatib o‘tamiz, Saudi Aramco’ga hujum 14-sentabr kuni tunda ro‘y bergan. “Ansorulloh” shia harakati xusiylari dronlar bilan amalga oshirilgan hujumlar ortida turganini tan olgan. Hujum natijasida Ar-Riyod neft ishlab chiqarishni kamaytirdi, bu xomashyo savdosida narxlar o‘sishiga olib keldi. Savdolar ochilgandan so‘ng 16-sentabrda Brent fyuchers markasidagi neft narxi 13,86%, barrel uchun 69,91 dollar, WTI markasidagi neft narxi 11,23% ga, barrel uchun 61,79 AQSh dollariga oshdi.

Izoh
Asosiy yangiliklar
Mahalliy
O‘zbekistonning turli hududlarida elektr ta’minotida cheklovlar kiritiladi
Dunyo
“Daryo” kundaligida 5-dekabrda sodir bo‘lgan eng muhim voqealar
Madaniyat
Instagram: Avariyaga uchragan Tal’at Yo‘ldoshev, Dubayga ketgan Lola, kasal bo‘lib qolgan Zohirshoh