Andijonlik terimchi ayol bir kunda 500 kilogramm paxta terib rekord o‘rnatdi. Ushbu rekord uchun Andijon viloyat hokimligi terimchi ayolga Spark avtomobilini sovg‘a qildi, deb xabar beradi “U24.uz”.

Skrinshot: Telegram

Shuningdek, paxta terimida faol qatnashayotgan terimchilarga viloyat hokimligi tomonidan muzlatgich, televizor kabi rag‘batlantiruvchi sovg‘alar taqdim etilgan.

2019-yil paxta hosilini yig‘ib-terib olish ishlarini uyushqoqlik bilan o‘tkazish chora-tadbirlari to‘g‘risida hukumat qaroriga ko‘ra:

  • mashinada terilgan 1 tonna paxta uchun – 600 000 so‘m xizmat haqi;
  • qo‘lda terilgan 1 kilogramm paxta uchun birinchi terimda – 800 so‘mdan, ikkinchi terimda – 1200 so‘mdan;
  • mavsum mobaynida terim otryadi rahbarlariga har oyda 2 million so‘mdan, terim markazlari rahbarlariga 3 million so‘mdan mehnat haqi to‘lanadi.