Buyuk Britaniyadagi Blenxeym saroyidan italiyalik zamonaviy rassom Mauritsio Kattelanning mehnat mahsuli — 750 probali tilladan yasalgan, narxi bir million yevrodan qimmatroq turuvchi unitaz o‘g‘irlab ketildi, deb xabar beradi Meduza.

Foto: Meduza

Unitaz o‘g‘irlangach, kanalizatsiya yorilib ketgan, buning oqibatida esa saroydagi interyer zarar ko‘rgan.

Politsiyaning taxmin qilishicha, o‘g‘irlikni bir necha kishi sodir etgan hamda jarayonda kamida ikki avtomobildan foydalanilgan.

Hozirda o‘g‘irlikka aloqadorlikda gumonlanib, 66 yoshli erkak hibsga olingan.

Tilla unitaz birinchi marta 2016-yilda Nyu-Yorkdagi Solomon Guggenxaym muzeyida namoyish etilgan.

O‘shanda Kattelan besh yillik tanaffusdan so‘ng boshlagan ishiga qaytgan edi.

Kattelanning ushbu san’at asariga “Amerika” deb nom berilgan edi. U ishlaydigan unitaz edi.

Unitazdan istalgan kishi foydalanishi mumkin bo‘lgan. U o‘g‘irlanganidan so‘ng saroy xodimlari “yuz bergan holatdan afsusda ekanliklari, biroq hech kim jabrlanmaganidan xursand ekanliklarini” bildirgan.

Ular shuningdek “bu ahmoqona harakatlar tufayli Mauritsio Kattelanning ajoyib san’at asariga zarar yetmasligi”ga umid qilishini ham aytib o‘tgan.