Futbol bo‘yicha Italiya A Seriyasining 3-turi doirasida 14-sentabr, shanba kuni navbatdagi 2 ta o‘yin bo‘lib o‘tdi.
Karlo Anchelotti boshliq “Napoli” o‘z maydonida “Sampdoriya” bilan bahsga kirishdi.
Uchrashuvning 13 va 67-daqiqasida mezbon jamoa hujumchisi Dris Mertens ikki bor raqib darvozasini ishg‘ol qildi.
Shu tariqa “Napoli” o‘z uyida “Sampdoriya”ni 2:0 ko‘rinishida mag‘lub etdi va 3 ochkoga ega bo‘ldi.
Ushbu g‘alabadan so‘ng “Napoli”ning ochkosi 6 taga yetdi va jamoa musobaqa jadvalida 4-o‘rinda bormoqda. So‘nggi o‘rinni egallab turgan “Sampdoriya” esa birorta ham ochko yig‘a olmadi.
Shu kuni Antonio Konte boshchiligidagi Milanning “Inter” klubi “Juzeppe Meatssa” stadionida “Udineze” bilan o‘ynadi.
O‘yindagi yagona gol 44-daqiqada urildi. Unga Milan klubi yarim himoyachisi Stefano Sensi mualliflik qildi.
Ta’kidlash joiz, bellashuvning 35-daqiqasida “Udineze” a’zosi Rodrigo de Paul hakam tomonidan to‘gridan to‘g‘ri qizil kartochka bilan jazolandi.
Natijada “Inter” “Sampdoriya”ni mag‘lubiyatga uchratdi (1:0).
Mazkur g‘alabadan so‘ng Konte jamoasi 9 ochko to‘plab, musobaqa jadvalidagi yetakchiligini mustahkamladi. “Udineze” esa 3 ochko bilan 14-o‘rinni band qilib turibdi.
A Seriya
3-tur bahslari
14-sentabr, shanba
“Napoli”—“Sampdoriya” 2:0
Gollar: 1:0 — 13 Mertens, 2:0 — 67 Mertens“Inter”—“Udineze” 1:0
Gol: 1:0 — 44 SensiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)