4–7-sentabr kunlari “Daryo”ning bir necha xodimi o‘zbekistonlik jurnalist va blogerlar bilan birgalikda Qirg‘izistonning Issiqko‘l viloyatiga sayohat qildi. Sayohatda olingan taassurotlar, shuningdek, Issiqko‘l manzaralari – quyidagi fotojamlanmada.

Press-tur JTI kompaniyasi tomonidan tashkil etilgan bo‘lib, undan ko‘zlangan maqsad o‘zbekistonlik jurnalistlarni O‘zbekistondan Qirg‘izistonga eksport qilinayotgan aksiz ostidagi mahsulotlar savdosi bilan tanishtirish edi. Mazkur tur doirasida jurnalistlar dastlab Toshkentdagi zavodda ishlab chiqarilgan mahsulotning Qirg‘izistonga yuborilishiga guvoh bo‘ldi. Keyin esa aynan o‘sha yuborilgan mahsulotlarni Qirg‘izistonda qaytadan “uchratdi”.

Tadbirni Bishkekda emas, Issiqko‘lda o‘tkazishdan maqsad ayni paytda o‘zbekistonliklarni Issiqko‘lning turistik salohiyati bilan tanishtirish, Qirg‘izistonning go‘zal tabiati qo‘ynida dam olishlariga imkoniyat yaratish ham edi. Hordiq va tabiat qo‘yniga sayr press-tur esda qolarli o‘tishiga zamin yaratdi.

Toshkentdan Bishkekka uchib kelish uncha ko‘p vaqt olmadi, lekin “Manas” xalqaro aeroportidan avtobusga minib, dovon orqali Issiqko‘l tomon yo‘lga chiqilganida sarguzashtlar boshlandi. Hamkasblar bilan to‘rt soat mobaynida avtobusda suhbatlashib ketishning zavqi o‘zgacha bo‘ldi.

Foto: “Daryo”

Foto: “Daryo”

Foto: “Daryo”

Issiqko‘lga yetib kelib, joylashgunimizcha tun bo‘lib qolgani bois hech narsani ko‘rishga ulgurmadik. Ertalab tomoshaga imkoniyat bo‘ldi. Ochig‘i, Issiqko‘l bo‘yida yaratilgan turistik infrastruktura bizni hayratda qoldirdi. Biz joylashgan yer – butun boshli shaharcha bo‘lib, unda barcha qulayliklarga ega o‘nlab kottejlar joylashgan, kottejlar atrofi esa yam-yashil gulzor va daraxtzor edi.

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Kottejlardan chiqib, shundoq Issiqko‘l sohiliga borish mumkin.

Foto: “Daryo”

Foto: “Daryo”

Ko‘l bo‘yida barpo etilgan plyaj Karib havzasi mamlakatlaridagi plyajlarni eslatib yuboradi.

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Biz borganda turistik mavsum tugagani uchun plyajda va pansionatda odam kam edi. Yozda bu yer sayohatchilarga to‘lib ketishini tasavvur qilish qiyin emas.

Gid bergan ma’lumotga qaraganda, joriy yil yozida Issiqko‘l bo‘yiga 1,5 milliondan ortiq chet ellik turist tashrif buyurgan. Qirg‘izistonliklarning o‘zlari ham Issiqko‘l bo‘yida dam olishni yaxshi ko‘rishini inobatga olsak, raqamlar yanayam oshadi.

Foto: “Daryo”

Foto: “Daryo”

Issiqko‘l viloyati nafaqat ko‘li, balki tog‘lari va go‘zal tabiati bilan ham mashhur. Tur doirasida bizni Semyonovka (Qirchin) va Grigoryevka (Cho‘ng Oqsuv) daralariga olib borishdi.

Daralar ob-havosi hayratlanarli ravishda juda salqin ekan – shundoq issiqdan yomg‘irli sovuqqa kirib bordik.

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Archalarga burkangan ulug‘vor tog‘lar, muzday suv, soy bo‘yida terilib turgan o‘tovlar – bularning bari sayohatchilarga unutilmas kayfiyat bag‘ishladi.

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Shundoq yonimizda – qo‘shni Qirg‘izistonda bu qadar ajoyib turistik zonaning mavjudligi quvonarli holat.

O‘zbekiston va Qirg‘iziston orasida aloqalarning yaxshilanib borishi asnosida o‘zbekistonliklar Issiqko‘lda dam olishni odatga aylantirishiga shubham yo‘q. Okean o‘rtasidagi tropik orollarga borish imkoniyati, afsuski, barcha o‘zbekistonliklarda yo‘q; Issiqko‘l bunday orollarga sayohatning o‘rnini, qisman bo‘lsa-da, bosa oladi. Harqalay, Issiqko‘lning ulkan sohili, yoqimli suvi, viloyatning go‘zal tabiati tashrifchilarni befarq qoldirmasligi aniq.