Otabek Umarov rossiyalik taniqli avtoblogerga test-drayv uchun Mercedes, Maybach va Bentley taqdim etdi

Rossiyalik taniqli avtobloger, “Smotra.ru” portali asoschisi Erik Davidich yangi — D3 formatidagi test-drayvlarni suratga olish uchun 12-sentabr oqshomida Toshkentga uchib keldi.

UzNews’ning xabar berishicha, Prezident Shavkat Mirziyoyevning kuyovi Otabek Umarov rossiyalik avtoblogerga navbatdagi avtosharhni suratga olish uchun premium-klassga mansub avtomobillarni taqdim etgan.

Avtoblogerga taqdim etilgan avtomobillar orasida Mercedes AMG GT 4, Brabus Maybach 900 va Bentley bor. Bu haqda Erik Davidichning o‘zi Instagram‘dagi sahifasida xabar qoldirgan.

View this post on Instagram

Нам повезло) мы нашли человека который помог нам найти не просто одну тачку, а прям на выбор, хотя многие говорили(Давидыч ты в Узбекистане не найдёшь ничего) нашли! Спасибо за это @otabek_muhammadalievich Отабек мы постараемся снять отличный материал! Друзья! Выбирайте! Майбах 900 сил Бентли или AMG GT и Утром мы начнём снимать! #d3 #davidich @davidich.team

A post shared by Эрик Давидович (@eric_davidich) on Sep 12, 2019 at 2:04pm PDT

“Omadimiz keldi, biz bir emas, tanlab olish uchun bir necha mashinani topib bera oladigan odamga duch keldik, vaholanki ko‘pchilik: ‘Davidich, O‘zbekistonda hech narsa topolmaysan’, deyishgandi. Buning uchun Otabek Muhammadaliyevich (Umarov)ga rahmat! Otabek, biz a’lo darajadagi materialni suratga olishga harakat qilamiz!”, — deb yozgan Davidich.

Eslatib o‘tamiz, 19-iyul kuni Otabek Umarov Toshkent ko‘chalari bo‘ylab Tesla elektromobilida soatiga 201 kilometr tezlikda harakatlangani aks etgan videoyozuv tarqalgan edi. 20-iyul kuni Prezidentning kuyovi qonun barcha uchun barobar ekanligini ta’kidlab, tezlikni soatiga 40 kilometrdan ortiq kattalikda oshirib yuborgani uchun 1,8 million so‘m jarima to‘laganini ma’lum qilgan edi.