Markaziy harbiy okrug qo‘mondonligi O‘zbekiston oliy harbiy aviatsiya bilim yurtiga tashrif buyurdi. Bu haqda Markaziy harbiy okrug matbuot xizmati “Daryo”ga ma’lum qildi.
Tashrif doirasida ofitserlar o‘quv binosi, mashg‘ulot zali, muzey, kutubxona va bilim yurtidagi boshqa obyektlar bilan tanishgan.
Ma’lum qilinishicha, harbiy aviatsiya ofitserlari 7 ta mutaxassislik bo‘yicha 64 ta o‘quv guruhiga mo‘ljallangan ko‘rgazmali sinflarda tahsil oladi. Ikkinchi va uchinchi bosqichdan kursantlar aviatsiya trenajyorlarida malaka oshiradi. To‘rtinchi kursda harbiy bilim yurtidan 8 km uzoqlikdagi Xonobod aerodromida 60-70 soat parvoz amalga oshiriladi.
https://youtu.be/QbzZYkkGM9o
Shuningdek, kursantlarga parvoz dinamikasi, havoda harakatlarni boshqarish, taktika, radioelektron jihozlar, aviatsiya qurollari, uchish apparati va dvigatellarni ta’mirlash kabi harbiy fanlar o‘tiladi.
Bundan tashqari, muassasada qo‘shni davlatlar harbiy bilim yurti kursantlari oktabr-noyabr oyidan aviatsiya mutaxassisligi bo‘yicha ta’lim oladi.
Xabarda qo‘shimcha qilinishicha, hozirda o‘zbekistonlik bo‘lajak 15 nafar harbiy uchuvchi Rossiya va Hindistondagi oliy aviatsiya bilim yurtida tahsil olmoqda.
Izoh (0)