Majburiy ijro byurosi “O‘ztransgaz” AJdan “O‘zbekiston pochtasi” AJ foydasiga 1 milliard so‘mdan ortiq qarzdorlik summasini undirib berdi. Bu haqda “Daryo”ga MIB matbuot xizmati xabar berdi.
Ma’lum bo‘lishicha, Yakkasaroy tumani majburiy ijro byurosiga 5-avgust kuni Samarqand shahar iqtisodiy sudidan “O‘zbekiston pochtasi” AJ foydasiga 1 milliard 80 million 744 ming so‘m qarzdorlik summasini undirish haqidagi hujjat kelib tushgan.
Avvalroq, “O‘zbekiston pochtasi” AJ rahbari etib sobiq Intellektual mulk agentligi direktori Alisher Fayzullayev tayinlangani haqida xabar bergandik.