Birinchi xalqaro hunarmandchilik festivali arafasida Qo‘qon shahridagi O‘rda maydoniga tutashuvchi “Ozodlik” xiyobonidagi yo‘l qoplamasiga 50 metr uzunlikdagi 3D rasm chizildi. Bu haqda “Daryo”ning Farg‘ona viloyatidagi muxbiri xabar berdi.
Andijonlik rassom Murod Umar tomonidan yaratilgan kompozitsiya ko‘za va piyola tasviridan iborat.
Tasvir ma’lum masofa va balandlikdan suratga olinganida ulkan ko‘za va piyolaning tik turgan shakli paydo bo‘ladi.
Eslatib o‘tamiz, ayni kunlarda Qo‘qon shahrida birinchi xalqaro hunarmandchilik festivali bo‘lib o‘tmoqda. Unda hunarmandchilikning 34 yo‘nalishi bo‘yicha 1 116 nafar mahalliy hunarmand ishtirok etmoqda. Festivalda 78 davlatdan hunarmandchilikning 29 yo‘nalishi bo‘yicha 191 xorijlik hunarmand qatnashishi kutilmoqda.
Festival doirasida “Hunarmandchilik va xalq amaliy san’atini rivojlantirish istiqbollari” mavzusida ilmiy-amaliy konferensiya ham o‘tkaziladi. Unda 24 davlatdan 28 xorijlik va o‘zbekistonlik 6 nafar olim ishtirok etadi.
Izoh (0)