Bugun,

  • USD 11095.31
  • RUB 173.84
  • EUR 10772.44

Xonoboddan Mo‘ynoq sari yayov yo‘lga chiqqan Sohib Rajabov 70 kun deganda qadimiy Buxoro shahriga yetib keldi. Bu haqda “Xalq so‘zi Online” xabar berdi.

Foto: “Xalq so‘zi Online”

Foto: “Xalq so‘zi Online”
Safardan ko‘zlagan asosiy maqsadim O‘zbekistonning tinch va osoyishta, xavfsiz yurt ekanligini, xalqimizning mehmondo‘stligi, bag‘rikengligini butun dunyoga ko‘rsatish. Yo‘l-yo‘lakay Vatanimizning betakror manzaralari, qadimiy obidalari, osori-atiqalarini suratga tushiryapman. Ularni ham zamonaviy aloqa vositalari orqali butun dunyoga namoyish etish niyatidaman. Navoiydan Buxoro tomon yo‘l olganimda bir umr yodimda qoladigan ko‘plab manzaralarga duch keldim. Masalan, yo‘l yoqasidagi sardoba o‘zining me’moriy tuzilishi bilan meni maftun etib qo‘ydi. Uning yonidagi bozorda bo‘ldim. Ishonasizmi, o‘zimni xuddi o‘rta asrlarga tushib qolgandek his etdim. Mening holatimni faqatgina yuzlab chaqirim yo‘lni piyoda bosib kelgan kishigina to‘liq tasavvur eta olishi mumkin.

Qayerda bo‘lmay, meni vatandoshlarimiz iliq qarshi olishmoqda. Keksalarimiz “Safaringiz bexatar bo‘lsin”, deya duo qilib qolishyapti. Meni hatto eng chekka qishloqlarda yashovchilar ham tanib qolishibdi.

Sohib Rajabov

Sohib Buxoro safarini tugatib, Gazli shahri tomon yo‘l oladi. Gazlidan to Nukusga qadar bo‘lgan 450 kilometr yo‘lni bosib o‘tadi. Xonoboddan to Mo‘ynoqqa qadar jami 2,5 ming kilometr masofa bor. Hozir bir ming 400 kilometr masofa ortda qoldi.

Eslatib o‘tamiz, O‘zbekistonning naqadar xavfsiz ekanligini isbotlashni istagan yigit Andijondan Mo‘ynoq tomon piyoda yo‘lga chiqqan edi. U sayohatni 1-iyul kuni Andijon shahridan boshlagan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi