Futbol bo‘yicha Yevro—2020 musobaqasi saralash bosqichi 6-turi doirasida 9-sentabr, dushanba kuni guruhlarda bir nechta bellashuvlar bo‘lib o‘tdi.
“C” guruhida Ronald Kuman boshqaruvidagi Niderlandiya terma jamoasi mehmonda Estoniya termasini sinovdan o‘tkazdi.
Uchrashuvning 17 hamda 47-daqiqalarida niderlandiyalik yarim himoyachi Rayan Babel dublga erishgan bo‘lsa, 76-daqiqaga kelib Memfis Depay Niderlandiyaning 3-goliga mualliflik qildi. 87-daqiqada esa “Liverpul” a’zosi Jorjinyo Venaldum hisobni yiriklashtirdi.
Shu tariqa Niderlandiya Estoniya darvozasiga javobsiz 4 ta gol urib, g‘alabani tantana qildi.
Ma’lumot uchun, niderlandiyaliklar 9 ochko to‘plab, guruhda 3-o‘rinda bormoqda. Oxirgi o‘rindagi Estoniya esa birorta ham ochko yig‘a olmadi.
Yoaxim Lyov qo‘l ostidagi Germaniya terma jamoasi safarda Shimoliy Irlandiya termasiga qarshi maydonga tushdi.
O‘yinning 48-daqiqasida germaniyalik Marsel Xalstenberg hisobni ochgan bo‘lsa, uchrashuvning so‘nggi daqiqalariga kelib “Bavariya” yarim himoyachisi Serj Gnabri hisobni 2:0 ko‘rinishiga olib keldi.
Natijada Germaniya mehmonda Shimoliy Irlandiyani 2:0 hisobida mag‘lubiyatga uchratib, muhim 3 ochkoni qo‘lga kiritdi.
Qayd etish joiz, nemislar 12 ochko jamg‘argan holda “C” guruhida peshqadamga aylandi. Shimoliy Irlandiya esa xuddi shuncha ochko bilan 2-pog‘onani band qilib turibdi.
“C” guruhidagi holat:
Shu kuni “I” guruhidan o‘rin olgan o‘yinda Roberto Martines boshliq Belgiya terma jamoasi Shotlandiya termasi bilan bahsga kirishdi.
Uchrashuv davomida Belgiya termasi vakillari Romelu Lukaku (9), Tomas Vermalen (24), Tobi Alderveyreld (32), Kevin de Bryuyne (82) birin-ketin raqib darvozasini ishg‘ol qildi (4:0).
Shu tariqa Belgiya safarda Shotlandiya ustidan yirik hisobda g‘alaba qozonib, 3 ochkoga ega bo‘ldi.
Mazkur g‘alabadan so‘ng belgiyaliklar ochkolari sonini 18 taga yetkazib, guruhda yetakchilik qilmoqda. Shotlandiya esa 6 ochko bilan 5-o‘rinni egallab turibdi.
“I” guruhidagi holat:
Yevro—2020
Saralash bosqichi
6-tur bahslari
9-sentabr, dushanba
“C” guruhi
Estoniya—Niderlandiya 0:4
Gollar: 0:1 — 17 Babel, 0:2 — 47 Babel, 0:3 — 76 Depay, 0:4 — 87 VeynaldumShimoliy Irlandiya—Germaniya 0:2
Gol: 0:1 — 48 Xalstenberg, 0:2 — 90 Gnabri“E” guruhi
Ozarbayjon—Xorvatiya 1:1
Gollar: 0:1 — 11, penalti Modrich, 1:1 — 72 XalilzadeVengriya—Slovakiya 1:2
Gollar: 0:1 — 40 Mak, 1:1 — 50 Soboslai, 1:2 — 56 Bojenik“G” guruhi
Latviya—Shimoliy Makedoniya 0:2
Gollar: 0:1 — 14 Pandev, 0:2 — 17 BardiPolsha—Avstriya 0:0
Sloveniya—Isroil 2:2
Gollar: 1:0 — 43 Verbich, 1:1 — 50 Natxo, 1:2 — 62 Zaxavi, 2:2 — 66 Bezyak, 3:2 — 90 Verbich“I” guruhi
Rossiya—Qozog‘iston 1:0
Gol: 1:0 — 89 FernandesSan Marino—Kipr 0:4
Gollar: 0:1 — 2 Kusulos, 0:2 — 38 Papulis, 0:3 — 73 Kusulos, 0:4 — 75 ArtimatasShotlandiya—Belgiya 0:4
Gollar: 0:1 — 9 Lukaku, 0:2 — 24 Vermalen, 0:3 — 32 Alderveyreld, 0:4 — 82 de BryuyneYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)