Dunyoga mashhur motivatsion ma’ruzachi, filantrop, yozuvchi va qo‘shiqchi — Nik Vuychich yaqin orada, 14-sentabr kuni Toshkentda nutq so‘zlaydi. Nik Vuychichning hikoyasi chinakam kuchli odamning yo‘lidir. Uning hikoyasi qator to‘siqlarga qaramay sizni qiyinchiliklar va umidsizlikni yengishga, o‘zingizga ishonishga va baxt topishga undaydi.

Nik Vuychich kamdan-kam uchraydigan genetik patologiya — tetraameliya bilan tug‘ilgan. Bolada to‘liq qo‘llar va oyoqlar yo‘q edi, ammo ikki barmoqli bitta qisman oyog‘i bor bo‘lgan. Jismoniy nogironligiga qaramay, barmoqlarini jarrohlik yo‘li bilan ajratishgandan so‘ng, Nik yurishni, suzishni, skeytbord minishni o‘rgandi. U nogironlar maktabga borishni boshladi, ammo tez orada oddiy maktabga qatnadi va kompyuterda yozishni o‘rgandi.

Katta qiyinchiliklarga va bir qancha muvaffaqiyatsizliklarga duch kelgan Nik o‘n yoshida o‘zini cho‘ktirishga qaror qiladi. Shu daqiqalar haqida u eslaydi: “Men suvga yuzlanishga harakat qildim, ammo bu holatda qolish juda qiyin edi. Men hech narsa qila olmadim. Ammo bu qisqa vaqt ichida men dafn marosimini aniq tasavvur qildim – bu yerda dadam va onam bor... Va men ularga zarar berolmasligimni, o‘zimni o‘ldirolmasligimni angladim. Oxir-oqibat ota-onamdan ko‘rgan narsalarim men uchun juda katta muhabbatdir”.

21 yoshida Nik Brisbendagi Griffit universitetini bitirgan. 1999-yildan boshlab u maktab va mehribonlik uylarida nutq so‘zlashni boshladi, tez orada butun dunyo bo‘ylab nogironlarga yordam berish va xayriya qilish maqsadida “Qo‘l-oyoqlarsiz hayot” (“Life without limbs”) notijorat tashkilotiga asos soldi.

U dunyoning ko‘plab mamlakatlariga tashrif buyurib, maktablarda, universitetlarda va boshqa tashkilotlarda nutq so‘zlab kelmoqda. Nik 2,5 mingdan ortiq parvozlarni amalga oshirdi, bu umumiy 6,5 oy havoda bo‘lishga teng, besh qit’aning 69 mamlakatida 3,5 ming ommaviy nutqda ishtirok etdi. Bugungi kunda uning auditoriyasi 8 milliondan ortiq odamni tashkil etadi. Onlayn auditoriya esa dunyo bo‘ylab 1 milliardga yaqin odamni qamrab oladi. Shuningdek Nik dunyodagi bir qator yirik kompaniyalar rahbarlari va yuqori lavozimli amaldorlarga murabbiy va maslahatchidir.

Vuychich orzularning kuchiga va mo‘jiza yuz berishiga ishonib, bir kun kelib kerak bo‘ladi, degan umidda shkafida bir juft poyabzal saqlaydi. “Hammasi orzudan boshlanadi! Ha, har bir orzu ham amalga oshmaydi. Ammo men o‘z maqsadlariga erishgan ko‘plab odamlarni ko‘rdim... Shuning uchun orzu qiling. Va katta orzu qiling”, – deydi Nik Vuychichning o‘zi.

Nik Vuychich – latofatli rafiqasining mehribon eri va 4 farzandning baxtli otasi. U nafaqat to‘liq, to‘yingan hayot kechiradi, balki ko‘plab odamlarga iymon, umid va muhabbatga ega bo‘lishga yordam beradi.

“Chegarasiz hayot” forumi Toshkentda

14-sentabr kuni Toshkentda “Synergy” biznes maktabining “Chegarasiz hayot” forumi bo‘lib o‘tadi. Ushbu forum auditoriya ongini 180 darajaga o‘zgartiradi va imkoniyatlar chegaralarini kengaytiradi. Forumning asosiy ma’ruzachisi — afsonaviy Nik Vuychich. Bu darajadagi ma’ruzachi birinchi marta Toshkentda nutq so‘zlamoqda. Muvaffaqiyatga erishish va hayot haqidagi tasavvurlarini yaxshi tomonga o‘zgartirishni istagan har bir kishi uchun bu ajoyib imkoniyatdir.

Kayrat Malik, OKMK xarid ishlari bo‘yicha boshqaruv raisi o‘rinbosari:

“Nik haqida faqat ijtimoiy tarmoqlardan eshitganman, lekin uning nutqiga birinchi marta borganimda menda bo‘lgan birinchi fikr – u odam-tabassum! Uning tabassumi ko‘plab odamlarni zabt etadigan yorug‘lik nuriga o‘xshaydi! Agar siz mening hayotimni piyola bilan taqqoslasangiz, u bir paytlar yarmi bo‘sh edi. Uni tuyg‘ular bilan to‘ldirish kerak edi va men Nik hayotining hikoyasidan quvvat oldim! Keyin uning kitobini o‘qib chiqdim va men olgan eng muhim fikr: Yaratganning har bir odam uchun o‘z rejasi bor! Bunday tushunchalardan keyin vaziyatga boshqacha qaraysiz!

Va yaqinda men to‘xtab orqaga qarashni xohlagan edim. Odamlarning hayotini ko‘rish, ularning qarashlarini tinglash uchun suhbatga borish istagim bor.

Har bir kishi hayotga boshqacha qarashni, o‘ziga boshqacha munosabatda bo‘lishni boshlaydi! Bilasizmi, juda ko‘p aqlli odamlar bor, siz nazariyotchi bo‘lishingiz mumkin, ammo men amaliyotchi bo‘lishni tanlayman! Bularning barchasi o‘zingizni ushbu vaziyatda qanday tayyorlashingizga bog‘liq. Agar siz o‘z fikrlaringizni to‘g‘ri yo‘naltirsangiz va aniq belgilangan reja bilan harakat qilsangiz, bu vaziyat juda ijobiy natija berishi mumkin! Eng muhimi, bunday vaziyatlarda intizomli va sabrli bo‘lish.

Men 100—150 kishidan iborat butun jamoam bilan seminarga borishni xohlayman. Barchaga borishni maslahat beraman, bu sizga quvonch keltiradi. Master-klassga kelgan barcha odamlar o‘zlarining savollariga javob topishini tilayman!

Chiptalar narxi: 150 ming so‘mdan boshlab

O‘tkazish sanasi: 14-sentabr

Forum va chiptalarning narxi to‘g‘risidagi to‘liq ma’lumotni ilova bo‘yicha olishingiz, shuningdek chiptalarni ham sotib olishingiz mumkin.

Chiptalarni Iticket.uz’dan olishingiz mumkin.

Telefon: +998 94632 05 00

Manzil: Yunusobod tumani, Iftixor ko‘chasi, 1-uy, “Yunusobod-tennis” davlat tennis klubi

Reklama huquqi asosida.