Yaponiyada tayfun sabab 885 mingdan ortiq xonadon elektr energiyasidan uzilib qoldi

Yaponiyada “Faksay” tayfuni sabab 885 600 xonadon elektrsiz qoldi, deb xabar beradi “RBK”.

Ta’kidlanishicha, elektr energiyasi o‘chgani sabab kompaniyalarning call-markazlariga qo‘ng‘iroq qilishda muammolar yuzga kelishi mumkin.

Yaponiya meteorologiya markazining ma’lum qilishicha, tayfun Sidzuoka prefekturasiga 8—9-sentabr kunlari yopiriladi. Shuningdek, Tokioda ham kuchli yomg‘ir va shamol kuzatilishi mumkin.

Yapon hukumatining ma’lumotlariga ko‘ra, tayfun oqibatida 22 kishi jabrlangan bo‘lib, ularning o‘n nafari Tateyama shahrida jarohat olgan. Yana shuncha odam Tiba prefekturasining ma’muriy markazida jarohat olgan bo‘lsa, ikki kishi Kanagava prefekturasida jarohatlangan.

East Japan Railway temiryo‘l kompaniyasiga qarashli gazetaning ma’lum qilishicha, 9-sentabr kuni “Katta Tokio” (Kanto hududi) tumanidagi poyezdlar harakati vaqtincha to‘xtatilgan. Hukumat 390 mingdan ortiq odam evakuatsiyaga muhtoj ekanligini bildirgan.