O‘zbekiston milliy avaikompaniyasi 5-oktabrdan Toshkent va Kiyev o‘rtasida haftalik charter reysini yo‘lga qo‘yadi. Bu haqda in4avia Telegram-kanali xabar berdi. Aviaqatnovlar Airbus A320 samolyotlarida amalga oshiriladi va parvoz vaqti 4 soat 30 daqiqani tashkil etadi.
Xabarda aytilishicha, reyslar haftaning shanba kunlari quyidagi vaqtlarda amalga oshiriladi:
- Toshkent 23:55 — Kiyev 02:45
- Kiyev 04:15 — Toshkent 10:45
Aviachiptalar samolyot uchishidan 3 kun oldin qaytarilsa, 100 yevro miqdorida jarima ushlab qolinadi. Samolyot uchishiga 72 soat qolganida va uchib ketganidan so‘ng foydalanilmagan aviachiptalar puli qaytarilmaydi.
Eslatib o‘tamiz, O‘zbekiston va Ukraina 2019-yildan aviaqatnovni qayta tiklashni muhokama qilgan edi. Mamlakatlar o‘rtasida 2015-yilning may oyidan beri to‘g‘ridan to‘g‘ri reyslar yo‘q.