Ashxaboddagi migratsiya xizmati ofisi oldida xorijga chiqish pasportini olish istagida bo‘lganlarning katta navbati yuzaga keldi, deb xabar beradi “Xronika Turkmenistana”.
O‘tgan haftada hujjat topshirganlarning guvohlik berishicha, navbatda turganlarning aksariyati 2003-yil iyunida Rossiya fuqaroligini olganlardan iborat. Hujjatlarni qabul qilish chog‘ida kelganlarga pasportlar bir oy mobaynida tayyor bo‘lishi aytilmoqda.
Viloyatlarda ahvol bundan ham murakkabroq. Masalan, Toshhovuzda avval zarur hujjatlarni topshirish uchun navbatga turish lozim. Hozir oktabr oyi uchun navbat yozilmoqda. Xorijiy pasportni olish uchun 4 oydan yarim yilgacha vaqt ketadi.