Isroil bosh vaziri Benyamin Netanyaxu Buyuk Britaniya bosh vaziri Boris Jonsonni Rossiyaning birinchi prezidenti Boris Yelsin bilan adashtirib yubordi, deb xabar beradi “Korrespondent.net”.
“Londonga uyushtirilgan maroqli tashrifdan qaytib keldim. Men u yerda bosh vazir Boris Yelsin va AQSh mudofaa vaziri bilan uchrashdim”, — degan Netanyaxu hukumat yig‘ilishida.
Yig‘ilishning boshqa ishtirokchilari gap Jonson haqida ketayotganini ta’kidlab, bosh vazirning xatosini to‘g‘irlab qo‘yishgan. Netanyaxu esa bunga nisbatan jilmayib, shunchaki o‘zini “diqqat bilan tinglashayaptimi yoki yo‘q” shuni tekshirmoqchi bo‘lganini aytgan.
Izoh (0)