Germaniyalik sportchi Fridi Kyune 7-sentabr kuni haylayn — binolar o‘rtasida tortilgan arqonda yurib o‘tish bo‘yicha yangi rekord o‘rnatdi, deb yozmoqda TJournal.

Foto: Videodan lavha

U Moskvadagi “Oko” va Neva Towers binolari o‘rtasidan 350 metr  — avvalgi rekorddan qariyb 100 metr balandlikda tortilgan arqon orqali 245 metrni yurib o‘tgan. Yangi rekord Moskvaning 872-yilligi bayramiga bag‘ishlangan bo‘lib, u Ginnesning rekordlar kitobiga kiritiladi.

8-sentabr kuni Kyunening rekordini Nan Polan, Mia Noble, Maksim Kagin, Aleksandr Gribanov, Gennadiy Skripko va Vladimir Murzayev takrorlagan. Ularning ismlari ham Ginnesning rekordlar kitobidan joy oladi.

Ma’lum bo‘lishicha, dorbozlardan biri rekord o‘rnatishga tayyorgarlik vaqtida dordan yiqilgan. Uni himoya arqoni qutqarib qolgan.