Timur Azamatov Mirzo Ulugbek Innovation Center (MUIC) innovatsion markazi direktori lavozimini tark etdi, deya xabar bermoqda “Gazeta.uz”. U ushbu lavozimda 2019-yil mart oyidan beri ishlab kelayotgan edi.
Markazning yangi rahbari etib o‘z vaqtida Iqtisodiyot va sanoat vazirligi huzuridagi Prognozlashtirish va makroqtisodiy tadqiqotlar institutida ishlagan Doniyor Junaydullayev tayinlangan.
Mirzo Ulugbek Innovation Center Prezident Shavkat Mirziyoyevning 2017-yil iyundagi farmoniga muvofiq tashkil etilgan. Unga dastlab Xurshid Sultonov rahbarlik qilgan, so‘ng, o‘sha yilning dekabridayoq uning o‘rniga Farhod Ibrohimov tayinlangan.
Oradan bir yil o‘tib Nodir Dehqonov MUIC rahbari sifatida ish boshlagan edi, biroq oradan uch oy o‘tib u ham markaz direktori lavozimidan ketgan.
Izoh (0)