Zimbabvening sobiq prezidenti Robert Mugabe 95 yoshida vafot etdi.
U oxirgi yillarda og‘ir xastalikka chalingandi.
Manbalarga ko‘ra, siyosatchi Singapurda hayotdan ko‘z yumgan. U odatda shu yerda davolanib turgan.
Robert Mugabe 1980-yili, Zimbabve mustaqillikka erishganda bosh vazir bo‘lgandi. 7 yildan so‘ng bu lavozimni bekor qiladi va o‘zini prezident etib tayinlaydi.
Mugabe davlat rahbari lavozimiga olti bor qayta saylangan va jami 30 yil hukmronlik qilgandi. 2017-yilgi davlat to‘ntarishidan so‘ng iste’fo berishga majbur bo‘lgan.
Izoh (0)