Huquqshunos va bloger Xushnudbek Xudoyberdiyevning ma’lum qilishicha, avtomobilning orqa eshigiga parda o‘rnatish holati Buxoro sudi tomonidan qonuniy deb topilgan.
“Sud masalani atroflicha ko‘rib chiqib, orqa eshikka parda o‘rnatilgan holatni Ma’muriy javobgarlik to‘g‘risidagi kodeksning 271-moddasi 1-bandi asosida ma’muriy huquqbuzarlik hodisasi yoki alomati yo‘qligi munosabati bilan ma’muriy huquqbuzarlik to‘g‘risidagi ishni tugatish haqida qaror qabul qildi.
Ya’ni sud orqa eshikka parda o‘rnatishni qonuniy deb topdi va ushbu harakat uchun ma’muriy javobgarlikka tortish mumkin emasligini belgilab berdi.
Mazkur sud qarori tegishli muddatda qonuniy kuchga kirgandan so‘ng qaror nusxasini yana qayta e’lon qilamiz”, — deb yozadi bloger.
Izoh (0)