Rossiyalik biolog genomni tahrirlash tajribasida ishtirok etadigan ko‘ngillilarni topdi

Rossiyalik molekulyar biolog Denis Rebrikov fenomni tahrirlash bo‘yicha o‘tkaziladigan tajribada ishtirok etishni istagan ko‘ngillilarni topdi, deb xabar beradi Meduza.

Biologning so‘zlariga ko‘ra, ikkala mijozning ham genomida GJB2 geni nusxalari mutatsiyaga uchragan. Shu sababli oilaning birinchi farzandi kar tug‘ilgan. “Ular keyingi farzandlarining qulog‘i eshitadigan bo‘lib tug‘ilishi uchun ushbu tajribada ishtirok etishga rozilik bergan”, — deydi olim.

Hozirda faqatgina tajribani o‘tkazishga tayyorgarlik ko‘rilmoqda. Bo‘lajak ona tuxum hujayrani qabul qilish jarayonidagi garmonal induksiya holatida. Shundan so‘ng in vitro genomini tahrirlash rejalashtirilgan. DNK tahlili mazkur usulning aniqligi bo‘yicha tushuncha berishi kerak: Rebrikov CRISPR usuli yordamida mutant genlarni to‘g‘rilashi orqali boshqa kutilmagan mutatsiyalarni hosil qilib qo‘yishi mumkin. Bu esa o‘z navbatida muvaffaqiyatli tajriba uchun to‘siq bo‘lishi mumkin.

Olimlarning hisob-kitoblariga ko‘ra, tajribaning dastlabki natijalari bir necha hafta ichida ma’lum bo‘lishi kerak. “Agarda induksiya yaxshi o‘tsa va hujayralar bir haftalar ichida paydo bo‘lsa, yana bir haftadan so‘ng embrion shakllanadi, yana bir yarim haftalar ichida esa bu genomni tartiblash bo‘yicha test natijasi hosil bo‘ladi. Shundan keyingina men Sog‘liqni saqlash vazirligiga talabnoma jo‘nataman”, — deydi Denis Rebrikov