Ijtimoiy tarmoqlarda Shoshtepa arxeologik yodgorligining hozirgi holati keng muhokama qilinmoqda. Toshkentliklar yodgorlik vayron bo‘lishi va kelajak avlodlar uchun yetib bormasligidan xavotir bildirmoqda.
Poytaxt hokimligi matbuot xizmatiga ko‘ra, shahar ma’muriyati Toshkent tarixiy merosi saqlanib qolishi tarafdori. Hozirda yodgorlikni konservatsiyalash bo‘yicha loyihalash ishlari olib borilmoqda. Vayron bo‘layotgan tepalik ustiga qoplama yopish va atrofdagi hududda turistik zona yaratish rejalashtirilmoqda.
“Mazkur ishlarning bajarilish muddati haqida keyinroq ma’lum qilinadi”, — deyiladi matbuot xizmati xabarida.
Ma’lumot uchun:
Shoshtepa miloddan avvalgi IX va milodiy XVI asrlarga oid yodgorlik bo‘lib, Sergeli tumani, Choshtepa ko‘chasida, Jo‘n kanali bo‘yida joylashgan. Va ayni shu yodgorlikdan Toshkentning 2200 yoshini belgilashga imkon beradigan shaharcha belgilari topilgan.
Izoh (0)